Tiл:

Мәтін мөлшері/Размер текста

+ 100% -

Сауалнамалар/Опросы

Ваше мнение по качеству оказания государственных услуг

Ақпарат

Информация

Банерлер

Активность на сайте

  • Today Visit: 397
  • Week Visit: 35  601
  • Month Visit: 160  245
  • Years Visit: 809  142
  • Total Page Views: 931

Байланыс

Алматы облысы, Панфилов ауданы, Жаркент қаласы, Головацкий көшесі, 129 тел: 8(72831)5-13-62
------------------------------------------------- Алматинская область, Панфиловский район, г.Жаркент, ул.Головацкого, 129 тел: 8(72831)5-13-62

Басқұншы ауылдық округі

Жалпы мәлімет

Мекен-жайы: Қазақстан Республикасы, Алматы облысы, Панфилов ауданы, Алмалы ауылы, К.Сембаев көшесі, № 30

Электрондық поштасы: baskynchinski_01_13@mail.ru

Байланыс телефондары: 8(72831) 45-1-01, факс: 8(72831)45-0-41.

Басқұншы ауылдық округінің жалпы көлемі – 1190 гектар. Ауылдық округтің құрамында 2 елді мекен бар:  Алмалы және Басқұншы ауылдары. Округтің әкімшілік орталығы болып Алмалы ауылы белгіленген. Алмалы ауылымен аудан орталығының ара қашықтығы – 37 км, Басқұншы ауылы мен аудан орталығының ара қашықтығы 45 км, округ орталығының ара қашықтығы – 8 км. 2018  жылдың 1 қаңтарына халық саны – 5819 адам, оның ішінде Алмалы ауылында – 3585, Басқұншы ауылында – 2234 адам тұрады. Ұлттық құрамы: қазақтар – 98,48%, орыстар – 0,57 %, басқа ұлттар – 0,95 %. Округ бойынша 230 зейнеткер бар. Жалпы аула саны – 1046. 2017 жылы туылған бала саны – 104. Округке қоныс аударып келген адам саны – 8. 

Округте 1 мәдениет үйі, 1клуб, 2 кітапхана, 2 пошта бөлімшесі, 2 дәрігерлік амбулатория,  2 мешіт, 2 орта мектеп, 3 балабақша, 1 мектепке дейінгі шағын орталығы,   интернет желісімен округ әкім аппараты мемлекеттік мекемесі қамтылған. Сондай-ақ  аудандық ішкі істер бөлімінің № 12 учаскелік полиция пункті  бар. Учаскелік полиция пунктінде 1 учаскелік инспектор жұмыс істейді. Аудандық балалар мен жасөспірімдер спорт мектебінің грек-рим түрінен 2 секциясы бар.

Округ аумағында 4 дүкен, 14 дүңгіршек, 342 шаруа қожалығы, 5 кооператив  2 ЖШС бар. Округте «Жергілікті қоғамдастық өкілдері» құрылды. Құрамында 24 мүшесі бар, төрағасы-Қ.Сембаев. Ақсақалдар алқасы, әйелдер кеңесі  жұмыс жасайды.  Жергілікті қоғамдастық өкілдері жергілікті басқару және өзін-өзі басқару жөніндегі мәселелерді шешуге және округтің әлеуметтік-экономикалық даму жұмыстарына белсенді атсалысады.


Басқұншы ауылдық округінің әкімі – Медетбек Серік Ильясұлы

20170913_113333

       Медетбек Серік Ильясұлы 1965 жылы 4 шілдеде, Талдықорған қаласында дүниеге келді.

1972-1982 жылдары Басқұншы ауылындағы Крылов атындағы орта мектебінде  оқып, бітірдім.1982-1988 жылдары І.Жансүгіров атындағы Талдықорқорған педагогикалық институтының филология факультетін бітіріп, орыс тілі және әдебиет мұғалімі мамандығын алып шықтым.1988-1989 жылдары Жаркент қаласындағы Крупская атындағы орта мектебінде орыс тілі және әдебиет пәнінің мұғалімі. 1989-1995 жылдары Панфилов аудандық атқару комитетінің азаматтық қорғаныс штабының бастығы.1995-1996 жылдары  Жаркент еркін экономикалық аймақ кеден басқармасының инспекторы.1996-1997 жылдары Панфилов аудандық әкімшілігі төтенше жағдайлар бастығы.1997-1999 Талдықорған аумақтық төтенше жағдайлар жөніндегі басқармасының тұрғындарды және аумақты қорғау секторының меңгерушісі.1999-2008 жылдары Алматы облыстық төтенше жағдайлар жөніндегі департаменттің ескерту және зардаптарды жою бөлімінің бас маманы.2008-2012 жылдары Панфилов ауданының төтенше жағдайлар жөніндегі бөлімінің бас маманы.2012-2014 жылдары Панфилов ауданы әкімі аппаратының ұйымдастыру, мемлекеттік-құқықтың  және кадрлармен жұмыс бөлімінің бас маманы.2014 жылы 6 қантардан 2017 жылдың 11 тамызы аралығында аудан әкімі  аппараты мемлекеттік  мекемесі жалпы бөлімшесінің бас маманы. 2017 жылдың 11 тамызынан бастап Басқұншы ауылдық округ әкімі қызметін атқарып келеді.


Округ әкімінің орынбасары – Бурханбеков Сабыр Садықұлы

20170913_143229

      Сабыр Садықұлы Бұрқанбеков 1964 жылы 1 маусымда Алматы облысы, Панфилов ауданы, Алмалы ауылында дүниеге келген.1979-1983 жылдары Көксу ауыл шаруашылық техникумында білім алды. 1983-1985 жылдары Кеңес әскері қатарында әскери борышын өтеді. 1986-1986 жылдары Панфилов ауданы, «Красный-Восток» колхозында әртүрлі жұмыстар атқарды, 1986-1993 жылдары Беларуссия ауыл шаруашылық академиясында білім алды. 1993-1998 жылдары Қорғас өсімдік карантині шекаралық пунктінде бас маман, 1998-2005 жылдары «Бұрханбеков Е.» жеке шаруа қожалығында әртүрлі жұмыстар атқарды. 2005 жылдың сәуір айында Басқұншы ауылдық округі әкімі аппаратына бас маман-жер инспекторы болып жұмысқа қабылданды. 2005 жылдың қараша айынан бастап Басқұншы ауылдық округі әкімінің орынбасары қызметінде.

           Үйленген, 5 баласы бар.


Округ әкімі аппаратының қызметкерлері

Т.А.Ә.А.

Лауазымы Байланыс телефондары

Наймантаев Давлетхан Замзахунұлы

бас маман 8(72831) 4-31-99

Әлдибеков Асан Ниязахынұлы

бас маман 8(72831) 4-87-60
Сарпекова Нұргүл Кожаханқызы бас маман

8(72831)4-2-1-26

Самыкжанов Жарас Бюджейканұлы

бас маман 8(72831) 43-1-12

Жұрынова Әсел Абайқызы

бас маман

8(72831) 4-51-74

Майчубаева Айдана Әзімбайқызы жетекші маман

8(72831) 45-0-36

Ракманбекова Фазиля Қтымерқызы

Жастар ісі жөніндегі әдіскер-нұсқаушы 8(72831)48-2-05
Нұрмұқаев Төлеген Тұрғанбекұлы Спорт жөніндегі әдіскер-нұсқаушы

8(72831)4-50-06

Дүкембаева Ранигүл Кенжахұнқызы Оператор

8(72831)4-83-52

 


Халықпен жұмыс

 Құрметті азаматтар!

Өтiнiштердi қарау нәтижелерi бойынша қабылданған шешiмдерге шағым жасау Қазақстан Республикасының «Жеке және заңды тұлғалардың өтініштерін қарау тәртібі туралы» Заңының 12 бабымен реттеледі.

Лауазымды тұлғалардың iс-әрекеттерiне (әрекетсiздiгiне), сондай-ақ субъектiнiң шешiмдерiне бағыныстылық тәртiбiмен жоғары тұрған лауазымды тұлғаға немесе субъектiге, жеке немесе заңды тұлғаға тиiстi субъектiнiң немесе заңды тұлғаның iс-әрекет жасағаны не шешiм қабылдағаны туралы белгiлi болған кезден бастап, үш айдан кешiктiрiлмей шағым берiледi. Шағым беру мерзiмiнiң өтiп кетуi субъектi немесе заңды тұлға үшiн шағымды қараудан бас тартуға негiз болып табылмайды. Шағым беру мерзiмiнiң өтiп кету себептерi шағымды мәнi бойынша қарау кезiнде анықталады және шағымды қанағаттандырудан бас тартуға негiздердiң бiрi болып шығуы мүмкiн.

Жоғары тұрған лауазымды тұлға немесе субъект болмаған не арыз берушi қабылданған шешiммен келiспеген жағдайда арыз тiкелей сотқа берiледi.

Ауызша мәлімет алу үшін төмендегі телефондарға хабарласуыңызға болады:

Жалпы сұрақтар

Округ әкімі аппаратының іс қағаздарын жүргізуге жауапты маманы – Журынова Асел Абаевна, тел.: 8(72831) 45-0-41.


Азаматтарды қабылдау мен олардың өтініштерін қарау тәртібі

Лауазымы Т.А.Ә.А Қабылдау уақыты Түскі үзіліс
1 Округ әкімі Медетбек Серік

Ільясұлы

 

Әр аптаның сейсенбі және жұма күндері
сағат 09.00-ден 13.00-ге дейін
13.00-ден 14.30-ға дейін
2 Округ әкімінің орынбасары Бұрханбеков Сабыр Садықұлы Әр дүйсенбі және бейсенбі
сағат 09.00-ден 13.00-ге дейін
13.00-ден 14.30-ға дейін

Басқұншы ауылдық округ әкімінің аппаратына

жеке және заңды тұлғалардан келіп түскен өтініштерге шолу.

2018 жылдың II тоқсанындағы Басқұншы ауылдық округі әкімінің аппаратына жеке және заңды тұлғалардан келіп түскен өтініштерге шолу:

2018 жылдың II тоқсанындағы Басқұншы ауылдық округі әкімінің аппаратына жеке және заңды тұлғалардан 87 өтініш келіп түсті, оның 86 жеке тұлғадан, 1 заңды тұлғадан өтініш келіп түсті.

Өтініштерде көбінесе төмендегі мәселелер жиі көтерілді:

* жер пайдалану және жер учаскелерін бөлу – 85

* тұрғын үй коммуналдық шаруашылық- 2

Округ әкімі және округ әкімінің орынбасары жеке мәселелері бойынша 14 адам қабылдады және барлығы оң шешімін тапты.

Келіп түскен өтініштердің барлығы қаралды, әрқайсысына Қазақстан Республикасының қолданыстағы заңдарына сәйкес жауап және түсініктеме берілді.

  2018 жылдың  І тоқсанындағы ауылдық округ әкімінің аппаратына жеке және заңды тұлғалардан келіп түскен өтініштерге шолу:

  2018  жылдың І тоқсанындағы ауылдық округ әкімінің аппаратына  жеке және заңды тұлғалардан – 25 өтініш келіп түсті, оның ішінде жеке тұлғадан – 24,1-заңды тұлға.

            Өтініштерде көбінесе төмендегі мәселе жиі көтерілді:

– жер телімдерін заңдастыру – 25

            Округ әкімі және округ әкімінің орынбасары  жеке мәселелер бойынша 6 адам қабылдады және барлығы оң шешімін тапты. Келіп түскен өтініштердің барлығы қаралды, әрқайсысына Қазақстан Республикасының қолданыстағы заңдарына сәйкес жауап  берілді.


Басқұншы ауылдық округі бойынша жергілікті өзін-өзі басқару бойынша атқарылып жатқан жұмыстар туралы

МӘЛІМЕТ

Басқұншы ауылдық округінде 2 ауыл бар. 2018 жылдың басынан мемлекеттік бюджеттің ІV деңгейі енгізілді. Басқұншы ауылдық округі қоғамдастық жиналысында Жергілікті қоғамдастықты дамытудың жоспары, бекітіліп, аудан әкімінің ресми сайтына орналастырылды.

2017 жылы 26 желтоқсанда Панфилов аудандық мәслихатының № 6-28-182 шешімімен 2018 жылға 29420,0 мың теңге, 2019 жылға 29703,0 мың теңге, 2020 жылға 30834,0 мың теңге көлемдерде бюджет бекітілді, оның ішінде 2018 жылға Басқұншы ауылдық округінің кірістері 29420,0 мың теңге, шығындары 29420,0 мың теңгені құрайды.

Округте жергілікті қоғамдастық жиыны өткізіліп, қоғамдастық жиналысына 23 мүшесі 4 жылға өкілеттік алған. 2017 жылы жергілікті қоғамдастықтың 7 жиналысы, 2 жиыны өтсе, 2018 жылдың 01 шілдесіне 2 жиын, 4 жиналыс өтті. Жиналыстар мен жиындарда санитарлық тазалық, бюджетті бекіту, әкімді лауазымынан босатуды, кандидатураларын келісу, трансферттерді бекіту, ауыз су жүйесінің құрылысы, қайта жаңғырту, жер учаскесін бөлу, көше атауын өзгерту сияқты және т.б. мәселелер қаралды.

2017 жылы жергілікті өзін-өзі басқарудың қолма-қол ақшаны бақылау шотына 2739,5 мың теңге түсті. Оның ішінде жеке және заңды тұлғалардың ерікті түрдегі алымдарынан – 0 теңге, сыртқы (көрнекі) жарнамадан – 0 теңге, аудандық маңызы бар қала, ауылдық округ әкімдерінің басқаруындағы мемлекеттік мүлікті мүліктік жалға (жалдауға) беруден – 24,2 мың теңге, әкімшілік құқық бұзушылықтар үшін алатын айыппұлдардан – 2,3 мың теңге, аудан бюджетінің жергілікті өзін-өзі басқару органдарына берілетін трансферттерден – 2713,0 мың теңге түсті.

2017 жылы жергілікті маңызы бар мәселелерді шешу үшін (көркейту, көгалдандыру, санитарлық тазалық, жарықтандыру және т.б.) қолма-қол ақшаны бақылау шоттарынан 2557,0 мың теңге жұмсалды.

2018 жылдың 5 айында ауылдық округтің қолма-қол ақшаны бақылау шоттарына салықтың 6 түрінен 863,0 мың теңге жинау жоспарланса, нақты 2457,6 мың теңге жиналды.

Аталған мерзімде түсімдердің басқа түрлерінен (әкімшілік айыппұлдар, жарнама, ерікті алымдар, мүлікті жалға беру) қаржы түскен жоқ.

Округ әкімі С.Медетбек

 


Панфилов ауданы Басқұншы ауылдық округінің 2018 жылға даму бағдарламасы