---

Бөлімнің ережесі

«Панфилов ауданының құрылыс бөлімі» мемлекеттік мекемесінің миссиясы, негізгі міндеттері, функциялары, құқықтары мен міндеттері

1. Бөлімнің миссиясы: Панфилов ауданының аумағында Қазақстан Республикасының қолданыстағы заңнамаға сәйкес мемлекеттік құрылыс саясатын жүргізу жүйесін ұйымдастыру.

2. Міндеттері:

1) тұрғын үй құрылысы, жеке тұрғын үй құрылысы үшін инженерлік-коммуникациялық желілерді салу және білім беру нысандары бойынша бюджеттік бағдарламаларға сәйкес аудандық және ауылдық объектілерді жобалау, салу бойынша жылдық, перспективтік бағдарламаларды әзірлеу;

2) аудан көлеміндегі тұрғын үй құрылысы, жеке тұрғын үй құрылысы үшін инженерлік-коммуникациялық желілерді салу және білім беру нысандары бойынша жобалау, салу жөніндегі жұмыстарды ұйымдастыру және үйлестіру;

3) Қазақстан Республикасының қолданыстағы заңнамасымен көзделген өзге де міндеттер.

3. Функциялары:

1) мемлекеттік бағдарламаларды іске асыруды қамтамасыз ету;

2) мемлекеттік сатып алуды (жергілікті және республикалық бюджет қаржысы есебінен немесе оның қатысуымен орындалатын объектілерді жобалау, салу) іске асыруды қамтамасыз ету;

3) салынып жатқан (салынуы белгіленген) объектілер мен кешендердің мониторингін құрылыс істері жөніндегі уәкілетті орган белгілеген тәртіппен жүргізу;

4) құрылыстарды, үйлерді, ғимараттарды, инженерлік коммуникацияларын салу туралы, сондай-ақ аумақты инженерлік жағынан дайындау, абаттандыру мен көгалдандыру, құрылысты (объектіні) консервациялау, жергілікті маңызы бар объектілерді кейіннен кәдеге жарату жөнінде жұмыстар кешенін жүргізу туралы шешімдер қабылдау;

5) объектілерді пайдалануға қабылдау актілерін дайындау және пайдалануға берілетін объектілерді (кешендерді) есепке алуды жүргізу;

7) Қазақстан Республикасының қолданыстағы заңнамасымен көзделген өзге де міндеттерді жүзеге асырады.

«Панфилов ауданының құрылыс бөлімі» мемлекеттік мекемесінің 2017 жылдың 6 айындағы

 жұмыстарының қорытындылары  және II жартыжылдыққа міндеттері туралы

2017 жылы құрылыс-монтаж жұмыстарына құрылыс бөліміне мақсатты нысаналы трансферттер есебінен мемлекет бюджетінен бөлінген қаржы көлемі 3 100 034,0 мың теңгені құрайды.  Ол  2015 жылмен салыстырғанда 10 есеге, 2016 жылмен салыстырғанда 1,2 есеге артық. 2017 жылдың  I жарты жылдығында төлем жоспары бойынша қарастырылған 1 465 450,0 мың теңге қаржы толығымен игерілді. Оның ішінде:

1. «Пенжім ауылындағы екі 60 пәтерлі коммуналдық тұрғын үйлерді салу» нысанының құрылыс жұмыстарын аяқтауға 2017 жылға бөлінген 42 967,0 мың теңге 100 пайызға игерілді. 2017 жылдың  30 мамырдағы №11 нысанды қабылдау актісіне сәйкес нысан пайдалануға берілді.  
2. «Пенжім ауылындағы екі 60 пәтерлі коммуналдық тұрғын үйлерді аббаттандыру және инженерлік – коммуникациялық желілерді салу» нысанының құрылыс жұмыстарын аяқтауға 2017 жылға бөлінген 3 672,0 мың теңге 100 пайызға игерілді. 2017 жылдың 30 мамырдағы №12 нысанды қабылдау актісіне сәйкес нысан пайдалануға берілді.
3. «Алматы облысы Панфилов ауданының Қорғас ауылындағы жеке тұрғын үйлер құрылысы үшін инженерлік – коммуникациялық  желілерін салу» нысаны бойынша келісім-шарттың жалпы сомасы   1 409 964,33 мың теңге. 01 шілде 2017 жылға 1 169 146,04 мың теңге игерілді, оның ішінде 2016 жылы 150 000,0 мың теңге және  2017 жылдың I жартыжылдығында 1 019 146,0 мың теңге игерілді.
4. «Алматы облысы Панфилов ауданының Жаркент қаласындағы жеке тұрғын үйлер құрылысы үшін инженерлік – коммуникациялық желілерін салу» нысаны бойынша келісім-шарттың жалпы сомасы 1 463 942,6 мың теңге. 01 шілде 2017 жылға  823 690,0 мың теңге игерілді, оның ішінде 2016 жылы 500 000,0 мың теңге және 2017 жылдың I жартыжылдығында 323 690,0  мың теңге игерілді.
5. «Алматы облысы Панфилов ауданының Жаркент қаласында 300 оқушыға арналған жалпы орта білім беру мектебін салу» нысаны    бойынша  келісім-шарттың жалпы сомасы 929 066,85 мың теңге. 01 шілде 2017 жылға 871 618,8 мың теңге игерілді, оның ішінде  2016 жылы 836 158,8 мың теңге және 2017 жылдың    I жартыжылдығында 35 460,0  мың теңге игерілді. 2017 жылдың оқу жылына пайдалануға беру жоспарланып отыр.
6. «Жаркент қаласындағы 40 жалгерлік тұрғын үй құрылысы» нысаныны бойынша келісім-шарттың жалпы сомасы 332 056,98 мың теңге. 2017 жылға құрылыс жұмыстарын бастауға 177 656,5 мың теңге бөлінді және 2017 жылдың I жартыжылдығында 29 000,0 мың теңге игерілді.
7. «Үлкеншыған ауылындағы мектепке жалғастыра салынатын 300 оқушыға арналған мектеп спорт залы мен асхана құрылысын салу» нысанының жұмыс жобасына оңды мемлекеттік сараптама қорытындысын алу үшін 2017 жылға 2 168,36  мың теңге бөлініп, толығымен игерілді. 2017 жылдың 31 мамырында №18-0099/17 оңды мемлекеттік сараптама қорытындысы алынды.
8. Пенжім (Нұркент) ауылындағы екі 60 пәтерлі тұрғын үйлеріне жоба – іздестіру жұмыстарын әзірлеуге конкурстың хаттамасы негізінде келісім-шарт жасалынды. Келісім-шарттың жалпы сомасы 17 920,0 мың теңгені құрайды. Жоба – іздестіру жұмыстары 2018 жылдың мамыр айында дайын болады.
9. «Жаркент қаласындағы 40 жалгерлік тұрғын үйлерді аббаттандыру және инженерлік–коммуникациялық желілерді салу» нысанының құрылыс-монтаж жұмыстарына, техникалық қадағалауға конкурсқа өтінім берілді. Конкурс ұйымдастырушысы «Алматы облысының құрылыс басқармасы» мемлекеттік мекемесі.
10. «2-кезектегі Нұркент қалашығының инженерлік-коммуникациялық инфрақұрылым объектілерін салу» жұмыс жобасына 5 нысан (құрылыс салу аумағынан 110 және 10 кВ әуә желілерін шығару, су тарту, жылумен жабдықтау, сумен жабдықтау, сыртқы электрмен жабдықтау,) бойынша оңды мемлекеттік сараптама қорытындысы алынды және 2017 жылға бөлінген 5 966,4 мың теңге толығымен игерілді.

 «Панфилов ауданының құрылыс бөлімі» мемлекеттік мекемесінің  2017 жылдың

II жартыжылдыққа міндеттері туралы

1. «Алматы облысы Панфилов ауданының  Жаркент қаласында 300 оқушыға арналған жалпы орта білім беру мектебін салу» нысанының   құрылыс-монтаж  жұмыстарын толығымен аяқтап,        жаңа оқу жылына пайдалануға беру.
2. «Алматы облысы Панфилов ауданының Қорғас ауылындағы жеке тұрғын үйлер құрылысы үшін инженерлік- коммуникациялық  желілерін салу» нысанының құрылыс жұмыстарын толығымен аяқтап, келісім – шарт негізінде пайдалануға беру.
3. «Үлкеншыған ауылындағы мектепке жалғастыра салынатын 300 оқушыға арналған мектеп спорт залы мен асхана құрылысын салу» нысанының құрылыс-монтаж жұмыстарына, техникалық қадағалауға конкурсқа өтінім беру және конкурс хаттамасы негізінде келісім-шарт жасап, құрылыс жұмыстарын бастау.
4. «Жаркент қаласындағы 40 жалгерлік тұрғын үйлерді аббаттандыру және инженерлік–коммуникациялық желілерді салу» нысанына конкурс хаттамасы негізінде келісім-шарт жасап, құрылыс жұмыстарын бастау.
5. Төлемдер бойынша бюджеттік бағдарламаларды қаржыландыру жоспарына сәйкес 2017 жылдың II жартыжылдығында құрылысы жүргізіліп жатқан нысандарға бөлінген қаржының толық игерілуін қадағалау.

«Нұрлы жер» тұрғын үй құрылысы бағдарламасы

Бағдарламаның атауы – «Нұрлы жер» тұрғын үй құрылысы бағдарламасы.

Әзірлеу үшін негіздеме – Қазақстан Республикасы Президентінің 2011 жылғы 21 шілдедегі № 118 Жарлығымен бекітілген Елді аумақтық-кеңістікте дамытудың 2020 жылға дейінгі болжамды схемасы; 
Қазақстан Республикасы Президентінің қатысумен өткен Қазақстан Республикасы Үкіметінің кеңейтілген отырысының 2016 жылғы 9 қыркүйектегі № 01-7.8 (ПӘ) хаттамасының 3.11-тармағы; 
Қазақстан Республикасы Президентінің 2014 жылғы 11 қарашадағы «Нұрлы жол – болашаққа бастар жол» атты Қазақстан халқына Жолдауы.

Бағдарламаның мақсаты – Халық үшін тұрғын үйдің қолжетiмдiлiгiн арттыру.

Бағдарламаның міндеттері:

1-міндет. Ипотекалық кредит берудің қолжетімділігін арттыру.
2-міндет. Жеке құрылыс салушыларды тұрғын үй салуға ынталандыру.
3-міндет. Тұрғын үй құрылыс жинақтары жүйесі арқылы өткізілетін кредиттік тұрғын үй салу. 
4-міндет. Халықтың әлеуметтік жағынан осал топтары үшін жалға берілетін тұрғын үй қорын құру.
5-міндет. Жеке тұрғын үй құрылысын дамыту.
6-міндет. Халықты жалға берілетін және коммерциялық тұрғын үйлермен қамтамасыз ету.
7-міндет. Үлестік тұрғын үй құрылысын қолдау.

«Панфилов ауданы құрылыс бөлімі» мемлекеттік мекемесінде «Нұрлы жер» тұрғын үй құрылысы бағдарламасы

 аясында орындалып жатқан жұмыстар:

1. «Алматы облысы Панфилов ауданының Жаркент қаласындағы жеке тұрғын үйлер құрылысы үшін инженерлік – коммуникациялық желілерін салу» нысанының құрылыс – монтаж жұмыстары 2016 жылы басталып, 2018 жылы пайдалануға беріледі.

Нысанның техника – экономикалық көрсеткіштері:

Құрылысқа бөлінген жер көлемі – 114 га;

Участок саны 183 жеке тұрғын үй және көп қабатты 38 үй (1640 пәтер).

Су жүйесі – 10,233 км; 

Электр жүйесі – 5,6 км;

Кәріз  жүйесі – 1,816 км;

Жол (Асфальт) – 6,79 км;

2. «Алматы облысы Панфилов ауданының Қорғас ауылындағы жеке тұрғын үйлер құрылысы үшін инженерлік – коммуникациялық  желілерін салу» нысанының құрылыс – монтаж жұмыстары 2016 жылы басталып,  2017 жылы пайдалануға беріледі.

Нысанның техника – экономикалық көрсеткіштері:

Құрылысқа бөлінген жер көлемі – 90 га;

Участок саны 478 жеке тұрғын үйге.

Су жүйесі – 13,93 км; 

Электр жүйесі – 13,29 км;

Байланыс  жүйесі – 1,369 км;

Жол (Асфальт) – 11,9 км;

3. «Жаркент қаласындағы 40 жалгерлік тұрғын үй құрылысы» нысанының құрылыс – монтаж жұмыстары 2017 жылы басталып, 2019 жылы пайдалануға беріледі.

Нысанның техника – экономикалық көрсеткіштері:

құрылысқа бөлінген жер көлемі – 10,4 га;

қабаттылығы – 1 қабат;

құрылыс салу ауданы – 3 833,6 м2

үйлердің жалпы ауданы – 2 800 м2

үйлердің тұрғын алаңы – 1 911,2 м2

1 үйдің жалпы құны – 9 234,13 мың теңге              

1 м2 үйдің жалпы құны – 131,916 мың теңге

4. «Жаркент қаласындағы 40 жалгерлік тұрғын үйлерді аббаттандыру және инженерлік–коммуникациялық желілерді салу» нысаның құрылыс – монтаж жұмыстарына конкурс өткізуге өтінім берілді. Конкурс ұйымдастырушы – «Алматы облысы құрылыс басқармасы» мемлекеттік мекемесі.