19 маусым күні Жаркент қаласындағы аудандық мәдениет үйінде «Медицина қызметкерлері күні» мерекесіне орай салтанатты жиын өтті. Аталған шараға мекеме, ұйым басшылары, ақсақалдар, медицина ардагерлері, округ әкімдері және медицина қызметкерлері қатысты.

          Алғашқы сөзді аудандық емхананың бас дәрігері Төлеу Құмарбекұлы Сарпеков алып, өз сөзінде мекеменің жеткен жетістіктерін атап өтіп, жұдырықтай жұмыла бірге еңбек атқарып келе жатқан әріптестеріне алғыс білдіріп, мерекелерімен құттықтады. Екінші болып сөз алған аудан әкімі Бердәулет Ешенұлы Абдулдаев медицина қызметкерлерінің жасап жатқан еңбектеріне табыс тілеп, атаулы мерекелерімен құттықтады. Сондай-ақ бас дәрігер Төлеу Сарпековке облыстағы аудандар арасында иеленген «Үздік емхана» номинациясы дипломы мен сертификатын табыс етті. Аудандағы медицина саласының қызметкерлеріне Алмабы облысы әкімінің, аудан әкімінің Құрмет грамоталары мен Алғыс хаттарын табыстады.

          Аудан әкімінің құттықтауынан кейін аудандық ақсақалдар алқасының төрағасы Сағымбек Үшбаев, еңбек ардагері Рахимжан Тохтахунов медицина қызметкерлеріне деген жылы лебіздерін білдірді.

          Аудан көркемөнерпаздары дәрігерлер қауымына ән-жырдан шашу арнады.