Tiл:

Мәтін мөлшері/Размер текста

Zoom in Regular Zoom out

Сауалнамалар/Опросы

Получаете ли Вы государственные услуги посредством портала Электронного Правительства?

Ақпарат

Информация

Банерлер

Байланыс

Алматы облысы, Панфилов ауданы, Жаркент қаласы, Головацкий көшесі, 129 тел: 8(72831)5-13-62
------------------------------------------------- Алматинская область, Панфиловский район, г.Жаркент, ул.Головацкого, 129 тел: 8(72831)5-13-62

PanfilovAkimat

Panf2015

Тауарлардың электрондық саудасы

            Салық кодексінің нормаларына сәйкес, тауарларды электронды түрде  сату саласында қызметін іске асырушы салық төлеушілер жекелеген  қызмет түрлерін  іске асырушы салық төлеуші түрінде тіркеу есебіне тұруы керек.

Бұл ретте жекелеген қызмет түрлерін – тауарлармен электрондық сауда жасауды жүзеге асыратын салық төлеуші ретінде тіркеу есебіне қою “Рұқсаттар және хабарламалар туралы” Қазақстан Республикасының Заңында айқындалған тәртіппен жекелеген қызмет түрлерін жүзеге асыратын салық төлеуші ретінде қызметтің басталғаны немесе тоқтатылғаны туралы хабарлама негізінде жүргізіледі.

Осы хабарлама жеке қызмет түрін жүзеге асыру басталғанға дейін үш жұмыс күнінен кешіктірілмей салық органына ұсынылады.

Қазіргі уақытта жекелеген қызмет түрлерін – уәкілетті ұйымдардың қолма-қол шетел валютасымен айырбастау операцияларын және тауарларды электрондық сатуды жүзеге асыратын салық төлеуші ретінде қызметтің басталғаны немесе тоқтатылғаны туралы хабарлама  БСАЖ АЖ-де, сондай-ақ “Е-лицензиялау” мемлекеттік деректер базасында іске асырылды .

Панфилов ауданы бойынша МКБ

Бас маман С.Сабитов

Электронды тауарларды саудалауды салықтық басқаруға

Салық салу мақсаттары үшін Салық кодексінің 1-бабының 65) тармақшасы тауарлардағы электрондық сауда тұжырымдамасы айқындаған.

Тауарлармен электрондық сауда – бір мезгілде мынадай шарттар сақталған кезде:

тауарларды өткізу жөніндегі мәмілелерді ресімдеу электрондық нысанда жүзеге асырылса;

тауарлар үшін ақы төлеу қолма-қол емес төлеммен жүргізілсе;

тауарларды сатып алушыға (алушыға) жеткізетін өз қызметі болса не жүктерді тасымалдау бойынша көрсетілетін қызметтерді, курьерлік және (немесе) пошталық қызметті жүзеге асыратын тұлғалармен шарттар болса, интернет-дүкен және (немесе) интернет-алаң арқылы ақпараттық технологиялар көмегімен жүзеге асырылатын, жеке тұлғаларға тауарларды өткізу жөніндегі кәсіпкерлік қызмет.

Салық кодексінің 1 баптың 29) және 30) тармақтарымен интернет-алаң және интернет-дүкен тұжырымдары берілген.

Сонымен бірге Салық кодексінің 88-баптың 1 тармақтың 10) тармақшаның бойынша тауарлармен электрондық сауданы жүзеге асыратын салық төлеушілер жекелеген қызмет түрлерiн жүзеге асыратын салық төлеушi ретінде тіркеу есебіне қоюға жатады.

Салық кодексінің 293 баптың 3 тармағы бойынша тауарлармен электрондық сауданы жүзеге асыратын салық төлеуші осы Кодекстiң 302-бабына сәйкес есептелген корпоративтік табыс салығын 100 пайызға азайтады.

Егер тауарлармен электрондық сауданы жүзеге асырудан түсетін, осындай қызмет жөніндегі операциялар бойынша туындаған оң бағамдық айырма сомасының теріс бағамдық айырма сомасынан асып кетуі ескерілген кірістер жылдық жиынтық кірістің кемінде 90 пайызын құраған жағдайда, осы тармақтың ережелері қолданылады. Осы шарт сақталмаған кезде салық төлеуші осы баптың ережелерін қолдануға құқылы емес.

                                                                                                                                  А. Қасымханова

Панфилов ауданы бойынша

мемлекеттік кірістер басқармасының

бас маманы

Сыбайлас жемқорлыққа қарсы күрес туралы

Біздің мемлекетіміз басқа да елдер секілді сыбайлас жемқорлықтың алдын алу және болдырмау бойынша мақсатты жұмыстарды жүргізеді. Қазақстан  сыбайлас жемқорлыққа қарсы іс-әрекеттері бойынша заңнаманы қабылдаған және осы мәселелер бойынша халықаралық конвенцияларға қосылған, ТМО мемлекеттері ішіндегі алғашқылардың бірі болды.
Қазіргі таңда Заң азаматтардың құқығы мен бостандығын қорғауға, сыбайлас жемқорлық көріністерінен шығатын қатерлерден мемлекеттік функцияларды орындайтын  лауазымды және басқа да, сонымен қатар оларға теңестірілген тұлғалардың, мемлекеттік органдардың қызметінің тиімділігін қамтамасыз етуін ескерту, анықтау, сыбайлас жемқорлыққа байланысты құқықбұзушылықты ашу және болдырмау, олардың салдаларын жою және кінәлілерді жауаптылыққа тарту түрінде Қазақстан Республикасының ұлттық қауіпсіздігін қамтамасыз етуге бағытталған, сыбайлас жемқорлыққа қарсы күрестің негізгі принциптерін анықтайды, сыбайлас жемқорлыққа байланысты құқықбұзушылық түрлерін белгілейді, сонымен қатар жауаптылық жағдайын белгілейді.     
Өз құзіретінің шегінде ұжымдар мен азаматтардың заңды мүдделерін және құқықтарын қорғауды қамтамасыз ететін, азаматтар мен лауазымды тұлғалардың, ұжымдардың, мемлекеттік органдардың жұмыстарында заң режиміне қолдау көрсететін, мемлекет қызметіне құқықтық қамтамасыз етуді жүзеге асыратын, атқарушы биліктің огандары болып табылатын Қазақстан Республикасының мемлекеттік кірістер органдары мемлекеттік басқару жүйесінде маңызды рөлді орындайды. Сыбайлас жемқорлық мемлекеттік кірістер органдарының өз функцияларын орындау мүмкіндіктерін босаңсытуға және тиімді қызмет жасауын бұзады. Сондықтан, мемлекеттік кірістер органдарындағы қызметтің басымды бағыттарының бірі сыбайлас жемқорлық құқық бұзушылық пен қылмыстарды болдырмау және алдын алу мәселелері болып табылады.
       Мемлекеттік кірістер органдарында жемқорлық көріністерін шектеуге бағытталған атқарылатын жұмыстардың тиімділігі үшін жыл сайын іс-шаралар жоспары әзірленеді және іске асырылады, сонымен қатар тұрақты негізде сенім телефондары жұмыс істейді. Қарастырылған шараларды іске асыру сыбайлас жемқорлыққа қарсы күрес бойынша мемлекеттік органдардың қызметін және қоғамды белсендіреді, қылмыстық қол сұғушылықтан азаматтардың бостандығын және конституциялық құқықтарын қорғау басымдылығын қамтамасыз етеді.

Панфилов ауданы бойынша

 Мемлекеттік кірістер басқармасының

  бас маманы Ибраева М.

Деректерді тіркеу және (немесе) беру функциясы бар (онлайн)  бақылау-касса машинасына көшу бойынша   

      2018 жылдың 23 желтоқсанында ҚР Қаржы министрлігінің 27.11.2018 ж. №1029 бұйрығы күшіне еніп, 2019 жыл аралығында ақшалай есеп айырысулар кезінде деректерді тіркеу және (немесе) беру функциясы бар бақылау-касса машиналарын (онлайн БКМ) қолдану міндеті туындайтын қызмет түрлері ұлғайтылды. 

       Атап айтқанда, 2019 жылдың әр тоқсаны сайын онлайн БКМ қолдануға 633 қызмет түрлері қосылады:

– 2019 жылдың 1 сәуірінен бастап 323 қызмет түрлері бойынша;

– 2019 жылдың 1 шілдесінен бастап 86 қызмет түрлері бойынша;

– 2019 жылдың 1 қазанына бастап 224 қызмет түрлері бойынша.

         Осылайша, 2019 жылы онлайн БКМ қолдануға барлық қызмет түрлері толығымен қосылады.

         Онлайн БКМ қолдану бойынша ережелерi қызметі ортақ пайдаланылатын телекоммуникациялар желiсi жоқ жерлерде орналасқан салық төлеушілерге қолданылмайды.

         БКМ қолдану тәртібі Салық кодексінің 166 бабымен реттеліп, Қазақстан Республикасының аумағында ақшалай есеп айырысулар бақылау-касса машиналары мiндеттi түрде қолданыла отырып жүргiзiліп, келесі тұлғалардың ақшалай есеп айырысуларына қолданылмайды:

1) жеке тұлғалардың;

2) адвокаттар мен медиаторлардың;

3) қызметін:

  • 2020 жылдың 1-қаңтарына дейін патент негізінде арнаулы салық режимiн қолдана отырып;
  • 2019 жылдың 1-қаңтарына дейін ашық сауда базарларының аумағындағы стационарлық емес сауда объектілері арқылы шағын бизнес субъектiлерi үшiн арнаулы салық режимi шеңберiнде;
  • 2020 жылдың 1-қаңтарына дейін арнаулы салық режимі қолданылатын қызмет бойынша бірыңғай жер салығын төлеу негізінде осы арнаулы салық режимі шеңберінде жүзеге асыратын дара кәсіпкерлердің (акцизделетін тауарларды өткізушілерден басқа);

          4) уәкілетті органмен келісу бойынша көлік саласындағы мемлекеттік саясатты іске асыруды жүзеге асыратын уәкілетті мемлекеттік орган бекіткен нысан бойынша билеттерді бере отырып, қалалық қоғамдық көлікте тасымалдау бойынша халыққа қызметтер көрсету бөлігіндегі;

          5) Қазақстан Республикасы Ұлттық Банкінің;

          6) екінші деңгейдегі банктердің.

           Аумағында ортақ пайдаланылатын телекоммуникациялар желісі жоқ Қазақстан Республикасының әкімшілік-аумақтық бірліктері туралы ақпарат ҚР ҚМ Мемлекеттік кірістер комитетінің http://kgd.gov.kz/ru/content/primenenie-kontrolno-kassovyh-mashin-1 интернет-ресурсында орналастырылған.

Панфилов ауданы бойынша МКБ бас маман Мухамеди Е.Б.

2019 жылдың 1 қаңтарынан бастап “Салықтық түсімдер” санаты бойынша бюджеттік сыныптама кодтарын оңтайландыру.

Қазақстан Республикасы Қаржы министрінің 2018 жылғы 19 желтоқсандағы № 1093 “Қазақстан Республикасының Бірыңғай бюджеттік сыныптамасының кейбір мәселелері” Қазақстан Республикасы Қаржы министрінің 2014 жылғы 18 қыркүйектегі № 403 бұйрығына өзгерістер енгізу туралы» бұйрығын 2019 жылғы 1 қаңтардан бастап бюджеттік сыныптаманың мынадай кодтары өзгертілді:

      104302 БСК “Елді мекендердің жерлеріне салынатын жер салығы” мынадай редакцияда жазылған және “Жер салығы” БСК атауы берілген. Яғни 2019 жылғы 1 қаңтардан бастап жер салығы».

105281 деп өзгертілді және былайша жарияланады “Қазақстан Республикасының аумағына Кеден одағына мүше болып табылмайтын мемлекеттердің аумағынан импортталатын темекі бұйымдары” БСК

     бұрын БСК 105281 “Ресей Федерациясы мен Беларусь Республикасының аумағынан әкелінетін Кеден одағы тауарларынан басқа, Қазақстан Республикасының аумағына импортталатын темекі бұйымдары»

      105282 “Кеден одағына мүше емес мемлекеттердің аумағынан Қазақстан Республикасының аумағына импортталатын акцизделетін өнімдердің өзге де түрлері” БСК. Бұрын 105282 БСК “Ресей Федерациясы мен Беларусь Республикасының аумағынан әкелінетін Кеден одағы тауарларынан басқа, Қазақстан Республикасының аумағына импортталатын акцизделетін өнімдердің өзге де түрлері”

     107110 ҚР Қаржы министірінің 05.03.2018 жылғы №336-ші бұйрығына сәйкес «ҚР Қаржы министірінің кейбір бұйрықтарына толықтырулар және өзгерістер енгізу туралы 2018 жылдың 14 наурыздағы өзгеріспен ҚР-на шетелдік жұмыс күшін тартуға руһсат  қужатын беруі, ұзартуға  төлемдерін төлеу арналған «Жұмыс берушілерге ҚР-на шетелдік жұмыс күшін тартуға рұқсатты бергені немесе ұзартқаны үшін алым» төлемдерін  арналған 105433-ші БСК  төлеу жүргізіліп келе жатыр. Бұрындары аталған төлемді 107110 «Жергілікті бюджетке түсетін өзге де салық түсімдері» БСК-на төленген болатын.

Сонымен бірге, бюджеттік сыныптамадан алынып тасталды:

104309 “Елді мекендердің жерлеріне жер салығын қоспағанда, жер салығы” БСК

105113 “Кеден одағының Бірыңғай кеден аумағы құрылғанға дейін Ресей Федерациясы мен Беларусь Республикасының аумағынан шығарылатын және импортталатын тауарларға салынатын қосылған құн салығы” БСК.

Панфилов ауданы бойынша

Мемлекеттік кірістер басқармасы

Есептеу, талдау және ұйымдастыру жұмысы бөлімі

Ибраева М.

 Салық төлеушінің (салық агентінің) билік етуі шектелген мүлкін өткізу есебінен салық берешегі есебіне өндіріп алу

Егер салық төлеушінің бухгалтерлік есеп деректерінің негізінде айқындалатын, мүлік тізімдемесі актісінде көрсетілген, билік ету шектелген мүліктің жалпы теңгерімдік құны, республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 6 еселенген мөлшерінен аз болатын жағдайларды қоспағанда, Салық Кодексінің 614-бабының 1-тармағында көрсетілген салық төлеушінің (салық агентінің) банктік шоттарында және оның дебиторларының банктік шоттарында ақшасы болмаған немесе жеткiлiксiз болған не оның және (немесе) оның дебиторларының банктік шоттары болмаған жағдайларда салық органы оның келісімінсіз салық төлеушінің (салық агентінің) билік ету шектелген мүлкін өндіріп алу туралы қаулы шығарады.

Салық төлеушінің (салық агентінің) билік етуі шектелген мүлкін өндіріп алу туралы қаулы уәкілетті орган белгілеген нысан бойынша екі данада жасалады, оның біреуі мүлікке билік етуін шектеу туралы шешімнің және мүлік тізімдемесі актісінің көшірмелерімен қоса уәкілетті заңды тұлғаға жіберіледі.

Панфилов ауданы бойынша

мемлекеттік кірістер басқармасының

жетекші маманы

Абдыкеримова И.

Айыппұл салу туралы қаулыны мәжбүрлеп орындату жөнінде

         Мемлекеттік кірістер басқармасы мерзімінде төленбеген айыппұлдарды мәжбүрлеп өндіру ҚР Әкімшілік құқық бұзушылық туралы кодексінің 894 бабына сәйкес жүргізілетіндігін хабарлайлы.

         Сонымен қатар жеке тұлғаға, дара кәсіпкерге, жекеше нотариусқа, жеке сот орындаушысына және адвокатқа айыппұл салу туралы қаулыны мәжбүрлеп орындату үшін айыппұл салу туралы қаулыны сот, уәкілетті орган (лауазымды адам) жауаптылыққа тартылған тұлғаның жалақысынан немесе өзге де кірістерінен айыппұл сомасын мәжбүрлеу тәртiбiмен ұстап қалу үшiн ол жұмыс iстейтiн не сыйақы, зейнетақы, стипендия алатын ұйымның әкiмшiлiгiне жiбередi. Айыппұл ұстап қалу алты айдан аспайтын мерзiмде жүргізіледі. Айыппұлды өндiрiп алу кезектілігі Қазақстан Республикасының Азаматтық кодексiнде көзделген тәртiппен жүргiзiледi.

         Жауаптылыққа тартылған адам жұмыстан босатылған не оның жалақысынан немесе өзге де кірістерінен айыппұл өндіріп алу мүмкiн болмаған жағдайларда, ұйымның әкiмшiлiгi жұмыстан босатылған немесе өндіріп алуға мүмкiндік бермеуге әкеп соғатын оқиға басталған күннен бастап он күндік мерзiмде, айыппұл салу туралы қаулыны, айыппұл төлеу қажеттігі туралы нұсқаманы жауаптылыққа тартылған адамның жаңа жұмыс орнын (егер ол белгiлi болса), өндiрiп алуға мүмкіндік бермеген себептердi көрсетiп, сондай-ақ жүргiзiлген ұстап қалулар (егер мұндай жүргiзiлсе) туралы белгi соғып, қаулы шығарған сотқа, органға (лауазымды адамға) қайтарады. Егер айыппұл салынған жеке тұлға жұмыс iстемесе немесе басқа да себептер бойынша айыппұлды жалақысынан немесе өзге де кірістерінен өндiрiп алу мүмкiн болмаса, қаулы шығарған сот, уәкілетті орган айыппұл салу туралы қаулыны, айыппұл төлеу қажеттігі туралы нұсқаманы заңнамада көзделген тәртiппен мәжбүрлеп орындату үшiн мемлекеттік сот орындаушысына жiбередi. Салық қызмет органдары қарайтын әкiмшiлiк құқық бұзушылықтар бойынша, сондай-ақ дара кәсiпкерлерге, жекеше нотариустарға, жеке сот орындаушыларына және адвокаттарға қатысты салық салу саласындағы өзге де әкiмшiлiк құқық бұзушылықтар бойынша айыппұл салу туралы қаулыны Қазақстан Республикасының салық заңнамасында белгiленген тәртiппен салық қызметі органдары орындайды.

         Сонымен қатар заңды тұлғаға айыппұл салу туралы қаулыны мәжбүрлеп орындату шаралары ҚР ӘҚБтК-нің 895 бабында көзделген. Яғни, айыппұл салу туралы қаулыны сот, уәкiлеттi орган (лауазымды адам) Қазақстан Республикасының азаматтық заңнамасында, Қазақстан Республикасының ақша төлемі мен аударымы туралы, атқарушылық іс жүргізу және сот орындаушыларының мәртебесі туралы заңнамасында белгiленген тәртiппен заңды тұлғаның банктік шотынан оның келiсiмінсiз ақшаны алып қою үшiн сот орындаушысына жiбередi.Салық қызметiнiң органдары қарайтын әкiмшiлiк құқық бұзушылықтар бойынша, сондай-ақ салық салу саласындағы өзге де әкiмшiлiк құқық бұзушылықтар бойынша айыппұл салу туралы қаулыны Қазақстан Республикасының салық заңнамасында белгiленген тәртiппен салық қызметiнiң органдары орындайды. Банк немесе банк операцияларының өзге түрлерін жүзеге асыратын ұйым айыппұл сомасын белгіленген тәртіппен бюджетке аударуға міндетті.Заңды тұлғаның шоттарында ақша болмаған жағдайда, сот орындаушысы Қазақстан Республикасының заңдарына сәйкес борышкерге тиесілі басқа мүліктен өндіріп алуды қолданады.

Панфилов ауданы бойынша Мемлекеттік кірістер басқармасының бас маманы М.Салимбаева